Kategori cerpen : KEDIS (bahas bali)

KEDIS

BY NI WAYAN SHANTI SAVITRI

montor jazz mereren ring ajeng sekolah, raris wenten anak bajang tuun sakeng montor  punika. Putu Puri keto anake nyambatang ring anak eluhe ento, ia masekolah ring SMA N 1 kelas XI IPA2.

''Puri tusing sibuk jani?'' pitaken Gusti Ayu Cempaka

''ten Tiayu, pun napi?''

''Puri nyak nyarengin lomba drama? Tim tiang'e kirangan timpal''

''tiang ten mresidayang nika Tiayu''

''beeh, milu ja, Puri Dueg ngae puisi ajake ngae naskah, tulungin je tiang nah?''

''nggih nggih tiang jagi nyarengen'' pesaut Puti Puri

''suskma Puri, suksma'' mesaut Tiayu sambilanga ngelut Puri

''inggih inggih mawali''

Bel sekolah masuara raris para sisiane ngeranjing ke kelasnyane suang suang.

Puri ngemanahin napi sane kabaos inuni,lan napi sane lakar kabaosang ajak reramane.

Sesampune budal raris Puri mebebaosan sareng memene.

''Puri dadi milu, lomba Drama Me?''

''sing, Puri nengil dogen jumah” Punika pesaut memene.

''beh... Me Puri suba bajang, suba gede''

“diapin suba Gede Puri sing bisa lakar nyaga paukudan”
“eda patuhanga Puri ajak Raka Me…” punika pasaut Purine malih.

Puri raris kebalene sambilanga ngeling. Reramane bes kaku nyaga ragane, cara kedis mekurung ipun ring umahne. Nenten  dados kija - kija, yening ngeranjing masekolah wawu dados. Rikala wenten kerja kelompok, ipun nenten dados kesisi. Ento sane mawinan Puri nenten liu ngelah timpal.
‘Adi Puri tusing dadi milu drama cara timpal-timpal Purine? adi Puri sing dadi kesisi? Puri suba gede, Puri suba nawang encen ane luung lan jele’ punika ring manah Purine
Tingaline anak cerik-cerik sane meplayanan dauh umahne sambilanga mekedekan.
ring manahnyane Puri Metaken ‘adi kene nasib Purine? cara mekurung diguungane’ lantas ia ningalin langite ring manahne metaken ‘ngidang sing iraga makeber ke sisin jendelane?’

Buin manine Puri pesu uling umahne, mengkeb – mengkeb, apang tusing tawangngina teken memene. Suaran gong  medingang ring gedung kesenian sekolah. Puri ngeruruh ruangan Klub Drama.
“we ngudiang ento?” pitaken Agus
“eh?! Mekejutan tiang ! dong klub drama, agus nawang dija tongosne?”
“nawang, tumben Puri kesisi, biasane mesekeb kanti wayah” pisaut Agus
“tiang anak makita milu drama.” pesaut Puri
“oh… nah yen ba keto bareng   kemu”
Puri lan Agus lantas majalan ke Ruangan Klub Drama

Disubane Puri katemu sareng Tiayu raris Tiayu ngelut ragan purine
“suksma suba teka, kaden tiang Puri tusing  baanga teken  reraman Purine”
“jani napi tugas tiange?”  pitaken Puri
“Puri ne jani ngae dialogne, nanging naskahne takonan teken Sang Ayu ”.
ring gedung punika suaran tetabuhan gonge sampun ngawit, bajang – bajange sane wenten irika sami mauruk ngigel
“Puri... lan jani iraga ke rumah sakit”
“Sira sane sakit?” pitaken Puri
“Gus Angga ane sungkan, Naskah asli dramane ada ring ragane” pisaur Sang Ayu

Puri sareng Sang Ayu raris ke rumah sakit. Sane makarya naskah dramane kari sungkan Pesengane  Ida Bagus Angga Pradnyana, kelas XI IPA1, Dane sakeng kelas 2 SD sampun sungkan sungkanan.
“sampun wusan naskah Dramane Gus?” Pitaken Sang Ayu
“yening durung puput, niki wenten Puri sane pacang nugtugang”
“Naskah dramana, tonden pragat sawireh tiang enu gelem” Gus Angga nyaurin
Sang Ayu raris ke sekolah, nanging Gus Angga sareng Puri kari ring rumah sakit. Santukan wenten karya sene durung kepuputan sareng Sang Ayu,
“Gus Angga, sungkan napi?” pitaken Puri
“hm… sakit apa nah? Sakit hati”
“Puri serius”
“sakit jantung? Paru – paru ? apa sakit basang nah? Ah pragatang ba malu Puri.  
“Puri adi bisa baanga kesisi? biasane tusing baanga teken I meme?” pitaken Gus Angga
“nggih melancaran manten,tiang sampun embed ngoyong  jumah” pisaur Puri
Gus Angga sareng Puri akeh ngorta
Mangkin sesampune Puri ngae Dialog dramane punika, lantas Puri ke sekolah melatih drama sareng timpal – timpalnyane, sambilange ngae puisi. Suaran gambelan  lan suaran  Pregina medingan ring Gedung kesenian sekolah. Timpal – timpalnyane sing percaya Puri dadi kesisi. Makejang suba nawang kenken gemesne  reramane Puri.

Sesampune melajah drama, puri lantas mulih. Mejalan adeng adeng apang tusing tawange teken memene.
“Mara mulih?” Puri tengkejut  ningehang munyin memene
“Puri uling ije ne? dadi jam mone mare mulih? meme kaden suba ngorangahin puri ngoyong dogen jumah, ede kemu mai, sing luung ngenahne”
“Me…. Puri anak latihan Drama dogen, Puri tusing kija kija” pesaut Puri
“Apang kuda meme suba ngorahin, eda kesisi, baya liu di sisi, apa buin Puri anak luh.”
“Puri suba bisa ngaba raga, Puri suba gede tusing cara anak cerik buin.” Pesaut Puri lantas ia mecelep ke balenne.

Ne mangkin genah klub Dramane sampun cara kapal laut sedeng bongkar muatan, Gabuse dija dija mekacakan, Kainne mebrabusan lan lantaine suba daki kena cat. Tiayu sampun nginem 4 Botol yeh.santukan suarane sampun seret, kekolonganne tuh santukan ring latihan dramane dane kraik kraik nginutun diaolog naskahne
Puri lan Sang Ayu sibuk ngaryanin property ring durin panggungne.
“Sang Ayu, gabuse sareng cat mangkin sampun kirangan, punapi niki?” pitaken Puri
“hm… nah meli dogen suba. ” pisaur Sang Ayu
“Meli napi?” pitaken Tiayu sambilange negak disamping Sang Ayu
“niki property iraga’e kirangan.penganggone durung wenten” Sang Ayu Mebaos
“inggih  yening  kenten mangkin adol sanganan punika” Tiayu mebaos
“Sanganan?” pitaken Puri
“yening iraga milu lomba pasti… ngalih dana” pisaur Sang  Ayu
“dados nenten ring sekolah manten ngerereh dana?” Pitaken Puri
“suba… nanging enu kuangan” pisaur Tiayu sambilanga ngaba keranjang misi sanganan bali
“mih…… jaenne. Dadi alih sik?” pitaken Agus
“sing dadi, buin kesep telahang Agus cara ipidan” pesaur Tiayu
Agus mesebeng , tusing maan jaja.

diapin jaja bali kewala rasane jaen pesan, resep uling leluhur punika sane paling lu’ung., iraga patut ngelestariang kuliner daerah bali punika. Contohnyane klepon, sumping, satuh miwah sane lianan. Diapin sederhana di gobe, nanging rasan ipun jaen. Raris Ipun sareng sami mangkin ngadol sanganan punika, Puri pedidi sane nongos ring ruang latihan Dramane. Suaran Gambelan ring ruangan klub Tari sampun ngawit,Puri ne mangkin mekita mebalih anak latihan ngigel, risedek ipun mungkul kori Puri tengkejut santukan wenten , Gus Angga .
“Gus Angga dados wenten iriki?” pitaken Puri
“ah… Tiang mai melali dogen. Eh? Dadi suung ruanganne?, suba suud latihan dramane ?” pitaken Gus Angga
“nenten, ane lianan ngadol sanganan” Pisaur Puri
“ngadep jaja?” Gus Angga metaken.  
Raris Gus Angga nyingakin  wenten ring sanganan plastik. Gus Angga sareng Puri raris ngandol Sanganan punika, sareng kalih.ngandol ring Sekolah Dasar. Sesampunne ngadol sanganan ring SD. Raris Gus Angga lan Puri ring taman negak sambilanga ningalin anak cerik meplayanan,

“Gus dados sampun keluar sakeng rumah sakit?” pitaken Puri
“hm… anak suba kenyel nongos ditu” pisaur Gus Angga
“Gus Angga Sampun Dados keluar saking Rumah sakit?” pitaken Puri
a“onden, kewale tiang  mkita pesu jani” pisaur Gus Angga sambilange nyingakin  langite, rikala nyingakin langitne biru, kedis makeber ring ambarane
“Tiang nagih cara kedis” Gus Angga ngandika
“sekadi kedis?” pitaken Puri
“ Tiang makita cara kedise ane  makeber diambarane,  tusing nyak ngoyong di rumah sakit dogen . Tiang  makita cara anak lianan, ane dadi kija kija lan meplayanan bareng ajak timpal  timpalne. Cara kedis ane ngidang makeber dilangite” keto pangandikan  Gus Angga, raris wenten kedis metinggah ring tanganGus Anggane, raris Ida ngambil kedise punika.
“Puri ngalain umah?” pitaken Gus Angga
“nggih, alasanyane pateh sekadi Gus Angga” pisaur Puri
“yen keto unduke, nasib iragane pasti patuh”  pangandikan Gus Anggane raris ngelebang kedis punika lan ngajeng jaja sane enu mesisa.
“beh… jaen pesan jajane” Pengandikan Gus Angga,
Puri nyaurin “niki sanganan, Tiang sane ngelah malih siki” sambilanga mekenyem
“beeh…Tiang tonden wareg ne…”
Raris Gus Angga sareng Puri, makekalih saling mauber uberan megarang sanganan.

Sambilanga mecanda. Wusan punika makekalih , ke sekolah sareng – sareng. Tiayu sareng sane Lianan sampun dumunan ring sekolah. Raris tengkejut ngemanggihan Puri nenten wenten ring ruangan Klub Drama. malejebosne puri sareng Gus Angga rauh ring sekolah
“teka uling dija ne Puri….?” pitaken Tiayu .
“tiang sareng Gus Angga wawu ngadol  sanganan” pesaut Puri
“wah kaden tiang nu matunangan” kecanden antuk Agus. Gus Angga langsung ngebuk tundun I Agus.
“Puri nyidayang buin mani teka semengan?” pitaken Tiayu
“nggih Tiang mresidayang” pesaur Puri. Raris Tiayu ngemang kunci ring Puri.
sesampune jam 4 Puri lan timpal timpalnyane budal soang soang.

sesampune Puri neked ring paumahan, Memene raris mataken
“Puri adi buin Puri pesu uling jumah?  suba orahin Puri ngoyong jumah” sambilanga memedih.
“Me… Puri nak suba gede, tusing buin cara anak Cerik Me… Puri suba bisa nyaga awak” pesaut Puri, lantas Memene sahasa ngalakin pipin  Purine
 Puri lantas mecelep ke kamarne sambilanga ngeling. Yen kene undukne bisa dadi bajang tua puri! Keto di keneh Purine.

Benjangne Sang Ayu nelponin Puri mekabar
“Puri… Gus Angga…… sampun seda” Puri mekesiab, ningehang ento.
“Sang Ayu ten mecanda?” Pitaken Puri
“tusing, dibi Gus Angga operasi” Pisaur Sang Ayu
Puri tusing mresidayang naen yeh peningalane. Sekadi kedis ane makeber di langite, Gus Angga sampun madue kampid anggen makeber di langite.

Sesampune jam 8  semeng, Puri laut nyemak tas, Puri lakar pesu jani. Nanging ipun tawanga teken memene. Memene lantas ngisi liman Purine.
“me… jani dogen me…. Baang puri kesisi jani dogen”
“Puri tusing dadi kesisi!” Memene nombang
nanging Puri memaksa  laut pesu  uling  jumahne, sambilange melaib ke sekolah

Sesampune neked di sekolah  lantas timpalnyane Putu Gede metaken
“Puri dadi mara take?”
“ene, tiang ubere teken I meme” pisaut Purine sambilange mungkal kori Ruangan Klub Dramane . Sesampune wusan nyelepang sarana panggung drama ke tengah montor lantas ipun sareng sami nyujur  ke gedung pecentokan dramanane
Risedek punika memen  Ni Puri lantas ngerereh Puri ke sekolah, nanging Puri nenten wenten  ring sekolah. Manah ipun mangda   Puri nongos ring jumah ipun mangda nenten kija kija cara adine, I Raka. I Raka adine Ni Puri mangkin Ipun sampun padem, Pademnyane Ipun daweg Raka melali sareng Timpal – timpalnyane. Punika ngawinang memene Ni Puri nenten nguwehin Ni Puri pesu ngajak timpal – timpalnyane. Ne mangkin Memene laut nyujur  ke gedung perlombaan. Ngerereh Ni Puri. Tepukina lantas I Puri beduur panggunge, risedek Ni Puri mamaca puisi.
“kedis…..
tiang sekadi kedis,
sane nengil di guunganne,
sane nenten bisa makeber,
sane padidi di tengah guungane.
Tiang makita mekebr ring ambarane
sane makita ngulurin manahnyane
makeber tanpa wates tan wenten sane mialangin”

Memene Ni Puri ningalin Puri memaca puisi punika, ring manah ipun mekletek sekadi solah ipun santukan selami niki Ipun nenten ngicen Puri kija kija sekadi kedis sane wenten ring guungan.

sesampune dramane punika puput, Puri lan timpal – timpalnyane, rarismasenekan , Puri lan Timpal – timpalnyane marerasan  sambilanga makedekan.  Laut  teke, Memene Ni Puri, sareng sami mekesiab. Memene mejalan  maekan Puri, raris Ipun ngeraos
“jani guunganne suba enyag, kedise ento suba nyidayang makeber di langite”  Memene laut ngelut Puri sambilanga ngeling.
“ampurayang ja meme ning…. Meme anak tresna ajak cening”
“tusing engken me meme tusing pelih…..”

Dugase ento kedis cenik punika makeber dilangite